တခါခါ အခက်သား

တခါခါ အခက်သား

တခါခါ ငါ့အတွက်
အလေးဆုံး မျက်ခုံးနှစ်ဘက်
ညနက်တွေထဲ ထမ်းနေရတာ အခက်သား။

မမြင်ရတဲ့ အချစ်နဲ့အမုန်း
ရင်ခုန်လိုက် ကြေကွဲလိုက်နဲ့
ကျိန်စာသင့် ပန်းတပွင့်ပေါ်က
အဆိပ်သင့်သွားတဲ့ လိပ်ပြာတကောင်လို
ရူးကြောင်ကြောင်ဖြစ်နေတော့လည်း အခက်သား။

အရိုးသားဆုံးသစ္စာတရားတွေ
အတုံးရုံးနဲ့ကျဆုံး
အဆင်မပြေမှုတွေက အနိုင်ကျင့်
ကြီးနိုင်ငယ်ညှင်းနဲ့
လောကငရဲတွင်းထဲက အတ္တ
ဆရာတွေများတဲ့လောကထဲ
ကျင့်သားမရသေးတော့လည်း အခက်သား။

ဒါပေမယ့် တခါခါ...ငါ
အိမ်နားက တောင်ကုန်းပေါ်ကိုပြေးတက်
ကောင်ကင်ကြီးကို ခြေနှစ်ဘက်နဲ့ စုံနင်းပြီး
ဒီကမ္ဘာလောကကြီးကို
လက်နှစ်ဘက်နဲ့ မ,မကြည့်နေလိုက်တာ
၂၃ နှစ်ပိုင်းတပိုင်းဒီဂရီနဲ့လည်သွားတယ်။

ကျော်စွာလင်း (ရိုးမ)
၂၆.၁၁.၂ဝ၁ဝ

ဝေးလွင့်လိပ်ပြာ

ဝေးလွင့်လိပ်ပြာ

အချစ်နဲ့ပတ်သတ်တဲ့ ကဗျာလိုလို စာလိုလိုလေးတွေကို ရေးတတ်သလို ရေးနေရင်း ကဗျာမဟုတ်တဲ့ ရဿစာလေး ရေးချင်စိတ်ပေါက်လာတယ် ၊ တိုင်တိုက်ဆိုင်ဆိုင်ပဲ ရေးဖို့လဲ အကြောင်းတွေ ဖြစ်လာခဲ့ပါတယ်။ တခါခါ ညဘက် ကျနာ့် ကုတင်ဘေး ပြတင်းတံခါးအပြင်ဘက်က ချယ်ရီပင်တို့ရဲ့ သစ်ခတ်လေးတွေကြားထဲကနေ ကျနော့်ရင်ဘက်ပေါ်ထိုးဆင်းလာတဲ့ လရောင်လေးရဲ့အောက်မှာ မြင်နေရတဲ့ လဝန်းလေးကိုကြည့်ပြီး အလွမ်းလေးတွေ မကြာမကြာ ဆင့်ကဲလို့နေကြသလိုပင်၊ ဒီနေ့ အပြင်ထွက်ဖို့ ဒုတိယထပ်ရှိ ကျနော့်အိမ်မှ ဆင်းလာစဉ် လှေခါးခြေရင်းတလျောက် ဝါရင့်ရောင် ချယ်ရီရွက်တို့ ကြွေလွင့်နေကြပြီး လေပြေညှင်းတို့၏ တီးတိုးတိုက်ခတ်မှုအောက် မှာစော့ကစားနေကြတယ်၊ အိမ်အဝင်လမ်း ဘေးတဖက်တချက်မှာလည်း ချယ်ရီပင်တွေအပြည့်မို့ ဧပရယ်လရောက်တိုင်း ခရမ်းရောင် ချယ်ရီပန်းအလှတွေကို အပြည့်အဝခံစားရင်း ကြည်နူးနေမိသလောက် ဆောင်းအဝင် ဒီလိုအချိန်တွေမှာလည်း ကြွေလွင့်နေကြတဲ့ ချယ်ရီရွက်လေးတွေနဲ့ လေအေးနုနုလေးတွေကြား လွမ်းမောဖွယ်ရာလေးတွေက ဒဏ်ရာဟောင်းတွေရှိတဲ့ ကျနော့်ကို လက်ပြခေါ်နေသလိုပင်။

ဒီလိုနဲ့ အပြင်သွားတုန်း အသိအကိုတယောက်နဲ့တွေ့ရာမှ စကားစပ်မိရာ ကိုရီးယားရောက်ပြီး သားမယားနဲ့ မိဘတွေကို လုပ်ကြွေးရင်း နိုင်ငံခြားမှာ ဆယ်စုနှစ်ကျော် အထီးကျန်မှု ဒုက္ခ၊ အနှိမ်ခံဘဝ၊ ပင်ပန်းဆင်းရဲမှု ဒုက္ခတွေကိုသာ အဖေါ်ပြုနေထိုင်ရင်း အချိန်တွေကို ကုန်လွန်စေခဲ့တာတွေရယ် တချို့ဆို စက်ရုံတွေထဲမှာ ထိခိုက်ပြီး အသက်ဆုံးရှုံးရသည်ထိ ဘဝဆိုးခဲ့ရပါတယ် နောက်ဆုံးထိ အသက်လျော်ကြေးပါ မိသားစုကို ပေးပြီး ဒီလောကကြီးထဲက ကြေကွဲရင်နင့်စွာ ထွက်ခွာသွားခဲ့ရပါတယ်၊ သေဆုံးခဲ့သူ တချို့ရဲ့ အချစ်ကို ကျန်ရစ်သူတွေ ဘယ်လောက် တန်ဘိုးထားကြလဲဆိုတာနဲ့ ပတ်သက်လို့ အသိအကိုတယောက်က သူ့ဇာတိ အထက်မန္တလေးဘက်မှာ သူဆယ်တန်းကျောင်းသား ဘဝတုန်းက သူရဲ့ကျောင်းဆရာကြီးတယောက် ကွယ်လွန်သူ သူ့ဇနီးကို ဘယ်လောက်စွဲလန်း မြတ်နိုးခဲ့တဲ့ အကြောင်းရယ် ကျနော့်တွေ့ကြုံ တချို့ထဲက ကွယ်လွန်သူ အဖိုးလေး တယောက်ရဲ့ အချစ်နဲ့ပတ်သတ်တဲ့ အဆွဲလန်း မြတ်နိုးမှု့ တချို့ကိုလည်း အဖိုးကို သတိရတာနဲ့ ရေးချင်စိတ်ပေါက်လာတယ်။

ကိုရီးယားမှာ အလုပ်လာလုပ်နေကြတဲ့ မြန်မာနိုင်ငံသားတွေ (၄၀၀၀) ပတ်ဝန်းကျင်လောက် ရှိပါတယ်၊ အလုပ်လာလုပ်ရင်း ကိုရီးယားမှာ အက်စီးဒင့် ဖြစ်ပြီး သေဆုံးသွားကြတဲ့ မြန်မာတွေလဲ ၁၉၉၅ ခုနှစ်မှ ယနေ့ထိ (၃၀) လောက်ရှိပါတယ်။ ပြီးခဲ့သောနှစ်က တယောက်က စက်ရုံတိုက်တန်းယားပေါ်က ခုန်ချပြီး မိမိကိုယ့်ကို အဆုံးစီရင်သွားပါတယ်။ သူ အဆုံးမစီရင်ခင်မှာလည်း သူငယ်ချင်းတချို့ကို သူနဲ့ပတ်သက်တဲ့ မှားယွင်းမှု့တွေရှိရင် ခွင့်လွှတ်နားလည်ပေးဖို့ ဖုန်းဆက်တောင်းပန်ရှာတယ်။ စက်ရုံသူဌေးကိုလည်း ကန်တော့ပြီး သူဟာ အလုပ်ချိန်တွင်း တကြိမ် ခဏ ခိုးအိပ်ခဲ့ဘူးကြောင်း သူ့ကိုနားလည်း ခွင့်လွှတ်ပေးပါရန်လည်း ပြောခဲ့ပါသေးတယ်။ နောက်တယောက်ကတော့ ချည်စက်ရုံမှာ အက်စီးဒင့် ဖြစ်ပြီး ဦးခေါင်းကို ထိခိုက်ကာ ဆေးရုံမှာပဲ ဆုံးသွားခဲ့သူပါ။ အရင်က သူ့ဇနီးလည်း ကိုရီးယားမှာ အတူအလုပ်လာလုပ်ဖူးသေးတယ်၊ ဇနီးသည် ကိုယ်ဝန်ရတော့ မြန်မာပြည်ကို ပြန်သွားခဲ့ပါတယ် သားယောက်ကျားလေး ထွန်းကားခဲ့ပြီး သူ့သားလေး တနှစ်သားအရွက်ကျော်မှာ အိမ်ကိုဖုန်းဆက်တဲ့နေ့မှာပဲ သူ့သားလေးက သူ့ကို ဖေဖေလို့ခေါ်လို့ အရမ်းပျော်နေတဲ့နေ့ပါပဲ အဲ့ဒီနေ့ပဲ သူအက်စီးဒင့်ဖြစ်တာ။

ကျနော် မြန်မာလူမျိုးတွေ ဆေးရုံရောက်လို့ လိုက်ကူညီတာတွေ ဆွေမျိုးမရှိလို့ ပြုစုပေးခဲ့တာတွေ လည်း တော်တော် လုပ်ပေးခဲ့ဘူးပါတယ်၊ ကို့အရှေ့မှာတင် ဆေးရုံမှာသေဆုံးခဲ့သူတွေလည်း ကြုံခဲ့ဖူးပါတယ်၊ သေဆုံးသူ အများစုဟာ မြန်မာ့အသင်းရဲ့ ကူညီမှုနဲ့ပဲ ကိုရီးယား ဘုန်းကြီးကျောင်းရှိ ရေခဲတိုက်တွင်ထားရှိကာ ရက်လည်ဆွမ်းသွပ် ကိုလည်း ရေခဲတိုက် အဆောက်ဦးမှာပဲ လုပ်လေ့ရှိပြီး မီးသင်းဂြိုလ်တဲ့ အထိချောမွေ့ အဆင်ပြေအောင် ကူညီပါတယ်။ သေဆုံးသူတို့ရဲ့ မြန်မာပြည်က မိသားစုတွေကို ခေါ်ပေးတာရယ် လျော်ကြေးရသည်အထိ မြန်မာ့အသင်းနဲ့ နိုင်ငံခြားသား အလုပ်သမားများကို ကူညီတဲ့ အဖွဲ့က ကိုရီးယားတွေနဲ့ပေါင်းပြီး ကူညီသည်အထိပေါ့။ သေဆုံးသူတို့ရဲ့ အရိုးပြာအိုးကိုလည်း ကောင်းစွာ သိမ်းစည်းပေးလေ့ရှိသည်။ တချို့မိသားစုတွေကတော့ အရိုးပြာအိုးကို ယူလေ့မရှိပဲ သင်ချိုင်းမှာပဲ ဝဲခိုင်းလိုက်ကြတယ်၊ တချို့ကြတော့ မြန်မာပြည်ထိ ပြန်သယ်သွားကြပြီး ဂူသွင်းတဲ့ သူလည်းရှိပါတယ်။ တရားသဘောရ အရိုးပြာကို ဆွဲလန်းမှု့ မရှိတော့လို့ ဝဲတာဆိုရင်တော့လည်း တမျိုးပေါ့၊ ဒါပေမယ့် တချို့ကြတော့လည်း အရိုးပြာအိုးကို ပြန်သယ်သွားပြီးမှ ဘယ်အိမ်မှာ ထားရမှန်းမသိအောင် ကြောက်ရွန့်နေကြတာလဲ ကျနော်ကြားလိုက်တော့ အသက်ပေးပြီး မိသားစုကို လုပ်ကြွေးခဲ့တာလေးကိုတောင် ပြန်မစဉ်းစားတော့တဲ့ သူတို့တွေကို သေသွားသူတွေရဲ့အစား စိတ်မကောင်းဖြစ်မိတယ်၊ သူတို့တွေ မသေခင် မိသားစုတွေကို ဒုက္ခမျိုးစုံတွေနဲ့ ရင်ဆိုင်ပြီး ကြိုးစားပမ်းစား ငွေရှာပြီး အိမ်မှာ ကျန်ခဲ့တဲ့ မိဘ သားမယားတွေကို ပို့ပေးခဲ့ကြတယ် သေပြီးနောက်မှာလဲ အသက်ဖိုးကိုလဲ မိသားစုတွေ ခံစားရပါတယ်၊ အသက်လျော်ကြေးဆို ဒေါ်လာ တသိန်းနီးပါး ရကြပါတယ်၊ မကြာသေးခင်ကပဲ ကြားမိလိုက်တာကတော့ ကိုရီးယားကိုလာပြီး အသက်လျော်ကြေး လာယူသွားတဲ့ ဇနီးသည်က အရိုးပြာအိုးကို မြန်မာပြည် ပြန်သယ်သွားပေမယ့် ဟိုရောက်တော့ မိဘအိမ်မှာ သွားထားတော့ မိဘတွေကလည်း အယူသည်းလို့ လက်မခံ နောက်ဆုံး သူ့အိမ်မှာပဲ ဂူမသွင်းခင်အထိ ကြောက်ကြောက် လန့်လန့်နဲ့ပဲ ထားထားရတယ်လို့ဆိုပါတယ်။ ကိုချစ်တဲ့ သား လင်ယောက်ကျား ကို ဘာလို့များ အရိုးပြာဖြစ်မှ ကြောက်နေကြပါလိမ့် စဉ်းစားမရပါ အချစ်ဆိုတာ ဘာများပါလိမ့် ငွေလောက် မက်မောစရာ အမြဲမရှိပါလားလို့ ဆိုရမလား၊ နောက်တယောက်ကတော့ ယောက်ကျားရဲ့ အသက်လျော်ကြေးလာယူတဲ့ သူကတော့ ယောက်ကျားရဲ့ အရိုးပြာအိုးကို သင်းချိုင်းမှာတင် ဝဲခိုင်းစေခဲ့ပါတယ်။ သူ့တို့အယူအဆနဲ့ သူတို့ဆိုတော့ ဘာမှ မဝေဖန်လိုကတော့ပါ။

အသိအကိုရဲ့ ဆယ်တန်းကျောင်းသားဘဝတုန်းက သူ၏ဆရာကြီး အကြောင်းကိုလဲ လမ်းလျောက်ရင်း စကားလက်စုံပြောပြတာလေးကိုလည်း နားထောင်မိပါတယ်။ ၁၉၈၅ ခုနှစ်ပတ်ဝန်းကျင်လောက်က ဖြစ်ပါလိမ့်မယ် သူ၏ကျောင်းဆရာကြီးရဲ့ ဇနီးသည်ဟာ ၁၉၇၇/၇၈ လောက်က သည်းခြေပျက်ရောဂါနဲ့ စိတ်တွေမမှန်တော့ပဲ ရူးကြောင်ကြောင်ဝေဒနာကို ခံစားခဲ့ရပါတယ်၊ ဆရာကြီးဟာ ဇနီးသည်ကို ကျောင်းဆရာဘဝနဲ့ပဲ ဆေးဝါးကုသပေးရင်း ကြင်နာနွေးထွးစွာနဲ့ ပြုစုခဲ့ရှာပေမယ့် ဇနီးသည်ဟာ ဆယ်နှစ်နီးပါ သည်းခြေပျက် ဝေဒနာကို ခံစားရပြီးတဲ့နောက် ဆုံးပါးသွားရှာခဲ့ပါတယ်။ ဆရာကြီးဟာ ဇနီးသည် ချစ်လွန်းလို့ နှစ်တွေ အတော်ကြာသည်အထိ သတိရတိုင်းငိုရှာနေခဲ့ပါတယ်၊ ဆရာကြီး စာသင်ပေးနေတဲ့အချိန် စိတ်မကောင်းစရာ ဆရာကြီးရဲ့ အဖြစ်ပျက်တွေကတော့ မိုးတွေရွာတဲ့အခါတိုင်း စာသင်ပေးနေရင်း သူကိုင်ထားတဲ့ မြေဖြူတွေ စာအုပ်တွေပြစ်ချပြီး သူ့စက်ဘီးလေးကို မိုးရွာထဲမှာ အပြေးလေး နင်းပြီး သူ့ဇနီး အုပ်ဂူလေးရှိတဲ့ သုဿန်ကို သွားရှာတယ်။ သူ့စက်ဘီးလေးရဲ့ ဘေးမှာတော့ ထီးတချောင်းအမြဲထိုးထားတယ်၊ သုဿန်ကိုရောက်တာနဲ့ သူ့ဇနီးအုတ်ဂူလေးဘေးကိုသွားပြီး သူယူလာတဲ့ ထီးကိုဖွင့်ပြီး မိုးတိတ်တဲ့အထိ မိုးပေးရှာတယ်။ လေတွေတိုက်ခတ်နေတဲ့ မိုးရေထဲမှာ ထီးကလေးမိုးပေးကာ စကားတွေပြောရင်း မိုးရေတွေ မျက်ရည်တွေနဲ့ရောပြီးငိုရှာလေ့ရှိတယ်၊ နောက် မိသားစုဝင်တွေ အတင်းသွားခေါ်မှာ ပြန်လာတတ်ပြီး မိုးတွေရွာတိုင်း နေ့ည အပြေးလေး ချစ်သူဇနီးရှိရာ အုပ်ဂူလေးကို ထီးသွားမိုးပေးလေ့ရှိတဲ့ ဆရာကြီးကို ကျန်တဲ့ သားသမီးတွေက ဆွေမျိုးတွေက သနားဂရုဏာ သက်ကာ စောင့်ကြည့်သွားပြန်ခေါ်လေ့ရှိပါတယ်။ နှစ်တွေအတော်ကြာတဲ့အထိ အသိအကို ဆယ်တန်းအောင် တက္ကသိုလ်ရောက်တဲ့အထိ ဆရာကြီးဟာ မပြောင်းလဲပဲ ဇနီးအုတ်ဂူလေးကို သွားမြဲသွားလေ့ရှိခဲ့တယ်။ အဆိုတော် ကိုင်ဇာရဲ့ သီချင်းလေးထဲကလိုပဲပေါ့ “မနိုးပါစေနဲ့မိုးရယ်”တဲ့ အောက်က youtube လေးကိုဖွင့်ပြီး ခဏလောက်နားထောင်ကြည့်ပါအုံးနော်။



ကျနော့်အဖိုးလေးရဲ့ စွဲလန်းမှု့အချစ်
ကျနော့်အဖိုးလေး တော်စပ်သူ ပဲခူးမြို့ လွတ်လပ်ရေး တော်လှန်ရေးသမားဟောင်း၊ အင်္ဂလိပ် သတင်းစာ သတင်းထောက်နဲ့ သတင်းစာတိုက် ပိုင်ခဲ့ဖူးသူ၊ ဗိုလ်နေဝင်း အာဏာသိမ်းတော့ သူ့သတင်းစာတိုက်ပါ အသိမ်းခံလိုက်ရသူပေါ့၊ ဆယ်တန်းကျောင်းသားဘဝက တယောက်တည်း အထီးကျန်နေတဲ့ အဖိုးနဲ့ အတူနေလိုက် အဖိုးက အင်္ဂလိပ်စာ သင်ပေးရင်း သူတော်လှန်ရေးသမားဘဝက အကြောင်းတွေ သူ့ရဲ့ ချစ်ဇနီးနဲ့ ရည်းစားဘဝက အကြောင်းတွေကို မကြာခဏ ဆိုသလို ပြန်ပြောပြတိုင်း အဖိုးလေးရဲ့ အချစ်ဇာတ်အရှိန်ထဲမှာ နားထောင်ရင်း နစ်မျောနေမိပါတယ်။ အဖိုးဟာ မြေးအရင်းမဟုတ်တဲ့ ကျနော့်ကို သံယောဇဉ် အတော်ထားခဲ့ပါတယ်၊ မကြာခဏဆိုသလို ကျန်ာမလိုချင်တဲ့ မုန့်ဖိုးကိုလည်း အတင်းပေးတတ်သူ၊ ဆယ်တန်းကျောင်းသားဘဝ ရွာကနေ ကျောင်းတက်တော့ နေ့လည်စာ ထမင်းဘူး ကျနော်မထည့်လာတတ်တော့ တနေ့ နေ့လည်ခင်း ကျောင်းရှေ့မှာ ကျနော့်နံမည် အော်ခေါ်တာကြားတာနဲ့ သူငယ်ချင်းတယောက်က ထွက်ကြည့်ပြီးလာပြောလို့ သွားကြည့်တော့ အဖိုးလေးပါ.. ကျနော့်ကို ထမင်းလာပို့တာ၊ လေးဆင့်ချိုင့် ဝါညစ်ညစ် သံထည် ကြွေသုပ်ထားတဲ့ချိုင့်လေးနဲ့ပေါ့၊ ချိုင့်က ဟောင်းနေလို့ ကြွေတွေက ကွာနေတဲ့နေရာတွေမှာ သံချေးတွေလဲတတ်နေတယ်၊ လေးဆင့်ချိုင့်လေးထဲမှာ ထမင်းကတဆင့်၊ ဝက်သားဟင်းကတဆင့်၊ ငါးပိရည်ကတဆင့်၊ နံနံပင်နဲ့ ဒညင်းသီး တို့စရာနဲ့ အစုံပါပဲ၊ မျက်မှန် အထူကြီးတပ်ထားတဲ့အဖိုး ထမင်းချိုင့်ဘေးမှာ ငါးပိရည်နဲ့ ဝက်သားဟင်းရည်တွေကလည်း စီးကျ တို့စရာ နံနံပင်တွေကလည်း ချိုင့်အပြင်ထွက်လို့၊ ချိုင့်ကိုဆွဲရင်း ကျောင်းရှေ့ တံခါးဝမှာ ကျနော့်ကို စောင့်နေတဲ့အဖိုးကို မျက်လုံးထဲက မထွက်တော့ပါဘူး၊ အဲ့ဒီနေ့က အဖိုးလေးလာပို့တဲ့ နေ့လည်စာထမင်း အရသာကိုလည်း မမေ့နိုင်သေးပါ။

အင်္ဂလိပ်လက်ထက် အဖိုးလေးက ကျောင်းသားဘဝနဲ့ မြန်မာပြည် လွတ်လပ်ရေးအတွက် မြေအောက်လှုပ်ရှားမှု့တွေလုပ်ရင်း အဖွားလေးကို ဘယ်လို ပိုးပန်းခဲ့တာကို ပြောပြခဲ့တာကို သတိရနေမိတယ် အဖွားလေးဆုံးသွားပြီးနောက် အဖိုးလေးရဲ့ အဖွားလေးပေါ် စွဲလန်းချက်ကတော့ မယုံနိုင်လောက်အောင်ပါပဲ။ ကျောင်းသားဘဝက အဖွားလေးကို အကြိမ်ကြိမ်ပိုးပမ်း ခဲ့ပေမယ့် မရတဲ့အဆုံး အဖွားလေးအိမ်ရှေ့ကနေ အင်္ကျီ ပုဆိုး ဆံပင်တွေကို ဘိုသီဘတ်သီ ဝတ်ဆင်ပြီး အရက်မူးနေချင်ယောင်ကာ အကြိမ်ကြိမ် ဖြတ်လျောက်ပြီး အဖွားစိတ်ကို ကလိခဲ့တယ် အဖွားကတော့ မသိရှာခဲ့၊ နောက်ဆုံး အောင်သွယ်တော်က အဖွားကိုသွားပြောပြီး နင့်ကြောင့် ဟိုကောင်လေး ထွန်းမြို့ ကျောင်းလဲမတက်တော့ဘူး အရက်သမားဖြစ်တာ့မယ်လို့ပြောတော့မှ အဖွားလဲ ဟတ်ထိသွားတယ် ထင်ပါတယ်၊ နောက်နေ့ ပြန်စာတစောင်ပေးလိုက်ပါတယ် ကိုထွန်းမြို့ ရှင်အရက်တွေ မသောက်ပါနဲ့ ကျောင်းမှန်မှန်ပြန်တက်ပါ ရှင့်မေတ္တာကို လက်ခံပါတယ်တဲ့ အဲ့ဒီနေ့ကနေစပြီး အဖိုးလေးနဲ့ အဖွားလေး ချစ်သူတွေ ဖြစ်ကြလေသတည်းပေါ့၊ အဖိုးလေးဘက်က ငွေကြေးပြည့်စုံပေမယ့် အဖွားလေးဘက်က ချို့တဲ့လေတော့ အဖိုးလေးရဲ့ အမေက သဘောမတူခဲ့ပါဘူး။

ဒီလိုနဲ့ တော်လှန်ရေးရဲ့ အခြေနေအရ စစ်ပညာသင်ဖို့ အင်္ဂလိပ်တပ်ထဲကို ဝင်ခဲ့ပြီး အင်္ဂလိပ်တပ်ထဲမှာ တပ်ကြပ်ကြီး အဆင့်နဲ့ပဲ မြေအောက်လျှို့ဝှက်လုပ်ငန်းတွေလုပ်ခဲ့တယ် ဒီလိုနဲ့ ဗိုလ်ချုပ်အောင်ဆန်းရဲ့ BIA တပ်တွေနဲ့ ဂျပန်တွေဝင်လာတော့ အင်္ဂလိပ်တွေက အိန္ဒိယ ဘက်ကိုဆုတ်ရင်း အဖိုးလေးပါ အိန္ဒိယ နယ်စပ်ထိ လိုက်ခဲ့ရတယ်၊ အင်္ဂလိပ်စစ်တပ်နဲ့ မလိုက်သွားခင် အဖိုးလေးက အဖွားလေးကို သူပြန်လာတဲ့အထိ သစ္စာရှိရှိစောင့်နေဖို့ မှာခဲ့ပါတယ်၊ အိန္ဒိယ နယ်စပ်ရောက်တော့ အင်္ဂလိပ်စစ်ဗိုလ်က အိန္ဒိယထိ လိုက်ခဲ့ဖို့ ခေါ်ပေမယ့် အဖိုးလေးက အမေကို အကြောင်းပြပြီး နယ်စပ်မှာနေခဲ့တယ် ပြီးတော့ အင်္ဂလိပ်စစ်တပ်နဲ့ လျှို့ဝှက်ဆက်သွယ်ပြီး ဂျပန်တပ်တွေကိုလည်း နည်းမျိုးစုံဖြင့် ပြန်လည်တိုက်ခိုက် ခြေမှုန်းခဲ့ပါတယ်။ အဲ့ဒီတုန်းက သူနဲ့အတူ တိုက်ပွဲဝင်ခဲ့တဲ့ အရင်းနှီးဆုံး သူငယ်ချင်းတယောက်လည်း ရှိခဲ့တယ် နှစ်ဦးစလုံး ချစ်သူတွေကိုထားခဲ့ကြရတဲ့သူတွေပြီး တကယ်လို့ တယောက်ယောက်က ကျဆုံးသွားခဲ့ရင် ကျဆုံးသွားသူရဲ့ ချစ်သူစီကိုသွားပြီး အရမ်းချစ်တဲ့အကြောင်း ကိုယ်စားပြောပေးဖို့ ပြီးတော့ စာလည်းတစောင်စီ အစဉ်သင့်ရေးထားကြတယ်၊ နောက်တော့ အောက်ပြည် ပဲခူးကို ပြန်ဆင်းကြဖို့ အကြောင်းဖြစ်လာတော့ အဖိုးလေးက ငှက်ဖျား အပြင်းထန်ဖြစ်ရာက ပြန်မဆင်းနိုင်ခဲ့ပဲ နယ်စပ်ရွာလေးမှာ ကျန်နေခဲ့ပြီး အဖိုးလေး သူငယ်ချင်းကတော့ အရင်ပြန်သွားနှင့်တယ်၊ အဖိုးလေးလည်း သေမလိုဖြစ်ရာက နယ်စပ်ရွာလေးမှ ရွားသားတွေရဲ့ စောင့်ရှောက်မှု့ကြောင့် အတော်ကြာတော့ ပြန်ကောင်းလာပြီး အောက်ပြည် ပဲခူးကို ပြန်ဆင်းခဲ့ပါတယ။်

အဖိုးလေး ပြန်ရောက်တာနဲ့ သူ့ရဲ့ချစ်သူစီကို အပြေးသွားခဲ့တယ် ချစ်သူအဖွားက မြန်မာတပြည်လုံး တိုက်ပွဲတွေဖြစ်နေတော့ အဖိုးလေးသေပြီထင်နေတာ ပြန်လာတော့ ငိုရှာလေသတဲ့ ၊ အဖိုးက နှစ်နဲ့ချီပြီး ပြန်မလာနိုင်တဲ့ အချိန်မှာ အဖွားကို အဖွားရဲ့ အမေက အိမ်ထောင်ချပေးဖို့ ကြိုးစားခဲ့တယ် လာတောင်းတဲ့သူတွေလဲရှိခဲ့တယ်၊ အဖွားက ချစ်သူရှိတဲ့အကြောင်း သူ့ချစ်သူကလွဲရင် ဘယ်သူ့မှ မယူနိုင်ကြောင်းပြောတော့ အားလုံးက နင့်ရည်းစား ထွန်းမြို့ အထက်နယ်စပ်မှာ သေသွားပြီဆိုပြီး ပြောကြတယ်၊ လုပ်ကြံဇာတ်လမ်းခင်းပြီး တခြားလူတွေက အဖိုးလေး တိုက်ပွဲမှာ သေပြီဆိုတဲ့အကြောင်း အဖွားလေးကို လာပြောကြပေမယ့်လည်း အဖွားလေးက သူ့ချစ်သူ သေသွားရင်တောင် သူမမြင်မချင်း မယုံဘူး ဘယ်သူ့မှလည်း မယူနိုင်ဘူးလို့ ခါးခါးသည်းသည်း ငြင်းခဲ့တယ် ၊ အဖိုးလေးပြန်ရောက်ပြီး မကြာခင်မှာပဲ လက်ထပ်ဖို့ အဖိုးလေးကစီစဉ်တာ့ အဖိုးလေးရဲ့ အမေက သဘောမတူခဲ့ပါဘူး ၊ အဖွားလေးရဲ့ မိဘတွေကလည်း မငြင်းလိုတော့ပေမယ့် အဖိုးလေးရဲ့ အမေက သဘောမတူမှန်းသိလို့ မင်္ဂလာဆောင်ပွဲကိုတော့ နှစ်ဖက်မိဘတွေနဲ့တော့ စုံစုံလင်လင်ဖြစ်အောင် စီစဉ်ဖို့ အဖိုးလေးကို ပြောခဲ့ပါတယ်။

ဒီလိုနဲ့ မင်္ဂလာဆောင်ပွဲကို အဖွားလေးရဲ့အိမ်မှာ ကျင်းပရော အဖိုးလေးရဲ့ ဘက်က ဘယ်သူမှ မလာခဲ့ပါဘူး၊ မင်္ဂလာဆောင်ပွဲ ပြီးသည်အထိ မလာခဲ့တာကတော့ အတော်လေးကို စိတ်မကောင်းစရာပါ၊ ဒါပေမယ့် ဒီလိုဖြစ်လိမ့်မယ်လို အဖိုးလေးက ကြိုသိနေပါတယ် အဖွားလေးကို ဖွင့်မပြောခဲ့ပေမယ့်လည်း အဖွားလေးက ရိပ်မိပြီးသားပါ၊ အဖိုးလေးရဲ့ အမေက သူသဘောမတူတဲ့ မိန်းမနဲ့ယူရင် လုံးဝ မင်္ဂလာ မဆောင်ပေးနိုင်ဘူး ကိုယ့်ဘာသာ ကိုယ်လုပ် မင်္ဂလာဆောင်ပွဲကိုလည်း မလာနိုင်ဘူးလို့ ပြောခဲ့ပါတယ်။ အဖိုးလေးကလည်း သူ့ချစ်သူနဲ့ ဖြစ်တဲ့နည်းနဲ့ မင်္ဂလာဆောင်မယ်ဆိုပြီး အဖွားလေးရဲ့ မိဘဆွေမျိုးတွေကိုလည်း မင်္ဂလာပွဲမှာ သူ့မိဘတွေ လာမယ်ဆိုပြီး လိမ်ခဲ့ပါတယ်။ မင်္ဂလာပွဲရဲ့ ညဘက်ရောက်တော့ ရပ်ကွပ်ထဲက လူတချို့က အဖိုးလေးကို အပြစ်ပြောပြီး ခနဲ့ကြတော့ အဖိုးလေးက ကျုပ်မိန်းမတောင် ဘာမှမပြောဘူး ခင်ဗျားတို့က ဘာဆိုင်လို့လဲဆိုပြီး ရန်ပြန်တွေ့ခဲ့တယ် အဖွားလေးကိုတော့ သူတောင်းပန်ရှာခဲ့ပါတယ်၊ အဖွားလေးကတော့ ဒီမင်္ဂလာပွဲမှာ ရှင်နဲ့ကျမ နှစ်ယောက်ထဲရှိလည်း ကျမ ကျေနပ်တယ် လို့ပြန်ပြီး အဖိုးလေးကို တယောက်တည်းမို့ သနားပြီး ပြန်နှစ်သိပ်ခဲ့ပါတယ်။

ဒီလိုနဲ့ အဖိုးလေးနဲ့ အဖွားလေးဟာ သားတဦးနဲ့ သမီး ၂ ဦးထွန်းကားခဲ့ပါတယ်။ အကြီးဆုံးက သမီးကြီး အလတ်က သား အငယ်ဆုံးက သမီး စုစုပေါင်း သုံးဦးပါ၊ ကျနော်ပဲခူးမှာ ရှိနေတဲ့အချိန်မှာ သားကြီးက ဘူမိဘေဓနဲ့ ကျောင်းပြီးထားသူမို့ ဓါတ်သတ္ထု ရှာဖွေရေးဌာနမှာ နယ်တကာလှည့်ကာ တောတောင်တွေထဲမှာ အရာရှိ အဖြစ်နဲ့ အလုပ်လုပ်နေပြီး သမီး ၂ ဦးကတော့ မော်လမြိုင်ဘက်မှာ ကျောင်းဆရာမလုပ်နေတယ်၊ သမီးကြီးလည်း မော်လမြိုင်ဘက်မှာပဲ အိမ်ထောင်ကျပြီး မြေးဘယ်နှစ်ယောက်ရှိတယ်ဆိုတာတော့ မမှတ်မိတော့ပါ။

ဒါနဲ့ လွတ်လပ်ရေးရပြီးတဲ့နောက်ပိုင်း အဖိုးလေးဟာ သူနဲ့အတူ အိန္ဒိယနယ်စပ်မှာ တိုက်ပွဲခဲ့တဲ့ သူငယ်ချင်းကို ပြန်တွေ့ခဲ့ပါတယ်။ သူ့သူငယ်ချင်းကတော့ သူပြန်ရောက်တဲ့အချိန်မှာ သူ့ချစ်သူဟာ တခြားတယောက်နဲ့ လက်ထပ်လိုက်တဲ့ဆိုတဲ့အကြောင်း သိလိုက်ရတယ်။ အဖိုးလေးရဲ့အကြောင်းကို မေးကြည့်ပြီး အကြောင်းစုံသိရတဲ့နောက် သူတို့နှစ်ယောက်အကြောင်းကို မဂ္ဂဇင်းတဆောင်မှာ “အချစ်စစ်” ဆိုတဲ့ခေါင်းစဉ်နဲ့ စာရေးဖူးခဲ့အကြောင်းကိုလဲ အဖိုးလေးက ပြောပြခဲ့ဖူးပါတယ်။

ခုနှစ်တွေတော့ ကျနော်မမှတ်မိတော့ပါ အဖွားလေးက အသက် ၅၅/၆၀ ပတ်ဝန်းကျင်လောက်မှာ ဆုံးပါးသွားခဲ့တယ်၊ အဖွားလေးကိုတော့ ဖေါင်တော်ဦး သင်းချိုင်းကုန်းမှာ မြေမြှုပ် သင်းဂြိုလ်ခဲ့တယ်၊ အဖိုးလေးဟာ အဖွားလေးကို သိပ်ချစ်လွန်းလို့ အဆွဲလန်းကြီးပြီး အဖွားလေး မြေပုံကို မကြာခဏ သွားပြီး စကားသွားပြောရင်း မျက်ရည်ကျလေ့ရှိပါတယ်၊ တနှစ်လောက်ကြာတာ့ အဖိုးလေးက သင်းချိုင်းစောင့်ကို ပိုက်ဆံပေးပြီး အဖွားလေးရဲ့ အရိုးတွေကို ပြန်တူးခိုင်းကာ ဂုန်နီအိပ်နဲ့ ထုပ်ပြီး အိမ်ကိုပြန်သယ်လာခဲ့တယ်၊ အဖွားလေးရဲ့ အရိုးတွေကို သူ့အိပ်ယာဘေးက သေတ္တာထဲ ထည့်ပြီး သိမ်းထားခဲ့ပါတယ်၊ တခါတလေ သူ့အိပ်ယာဘေးမှာ အဖွားရဲ့ အရိုးတွေကို ခေါင်းနေရာခေါင်း၊ ကိုယ်နေရာကိုယ်၊ လက်နေရာလက်၊ ခြေနေရာခြေ အစဉ်လိုက်တိုင်းစီပြီး ဘေးချင်းကပ် အိပ်လေ့ရှိပါတယ်၊ အရင်တုန်းက အကြောင်းတွေကို တယောက်ထဲ အဖွားရဲ့ အရိုးစုတွေကိုကြည့်ပြီး သက်ရှိထင်ရှားရှိနေသလို ပြန်ပြောရင်း ကြည်နူးနေတတ်ပါတယ်၊ အိမ်မှာလဲ တယောက်ထဲဆိုသည်မို့ အဖိုးလေးအတွက် ပိုလွတ်လပ်တယ်လို့ ဆိုရပေမယ့် မကြာခဏဆိုသလို အဖွားရဲ့ အရိုးစုတွေကို ထုပ်လိုက် ခင်းလိုက်နဲ့ စကားတွေ တယောက်ထဲပြောနေတော့ အချိန်တွေကြာလာတာနဲ့အမျှ အောက်ထပ်က အိမ်ငှားတွေရယ် ပတ်ဝန်းကျင်ကလူတွေ ရိပ်မိသွားရာက ဝိုင်းချောင်းကြည့်ရာမှ အားလုံးသိသွားကာ လူအရိုးတွေကို အိမ်မှာထားရင် ရပ်ကွက်ခိုက်တယ်ဆိုပြီး သင်းချိုင်းကုန်းမှာ ပြန်ထားစေခဲ့ပါတယ်၊ အဖိုးလေးလည်း ရပ်ကွပ်လူတွေရဲ့ အယူသည်းမှုတွေကြောင့် အဖွားလေးရဲ့ အရိုးတွေကို သင်းချိုင်းစောင့်စီမှာ ခဏ ပြန်ထားခဲ့ပါတယ်။ နောက်ပိုင်း မော်လမြိုင်မှာရှိတဲ့ သမီးကြီးကိုးကွယ်နေတဲ့ ဘုန်းကြီးကျောင်းက စေတီဘေးမှာ ငှက်တွေကို အစာကြွေးတဲ့ ကွန်ဂရစ်လင်ပန်းလုပ်လှူပြီး လင်ပန်းရဲ့ တိုင်ထဲမှာအရိုးတွေကို အမှုတ်ပြုလုပ်ကာ ထည့်လို့ရတဲ့ပုံစံလုပ်ပြီး ထည့်ကာ ဇနီးသည် အဖွားလေးအတွက် ကောင်းမှုကုသိုလ်လုပ်ပေးခဲ့ပါတယ်။ အဖိုးလေးရဲ့ အချစ်ကို ကျန်ာအရမ်း လေးစားမိတယ်။ (ဒါပေမယ့် အဖိုးလေးရယ် အဖိုးလေး ကျနော့်လို နာနာကျင်ကျင်နဲ့ အသဲမကွဲခဲ့ဘူး ပါဘူးနော် ကျနော်ကတော့ ရက်ရက်စက်စက် ပိုင်ဆိုင်ခွင့်ရခဲ့ဖူးတာ မျက်ရည်တွေပဲ ရှိခဲ့ဘူးပါတယ်။ တခါခါကျတော့လဲ ယောင်ချာချာ ရူးရူးပေါပေါ ဘဝကို သဘောကျနေသလိုပါပဲ အဖိုးလေးရေ ။)

အဖိုးလေးဟာ ကျနာ့်ကို သူငယ်ငယ်ကအကြောင်းတွေ ပြောပြလေတိုင်း သူ့သေတ္တာထဲက သူနဲ့အဖွားဓါတ်ပုံတွေ တော်လှန်ရေးဘဝတုန်းက ဓါတ်ပုံတွေ စာရွက်တွေကို ထုပ်ပြလေ့ရှိပါတယ်၊ ကျနော်စိတ်ဝင်စားတဲ့ အဖိုးလေးနဲ့ အဖွားလေးတို့ ဘယ်လိုကျူခဲ့ကြတာတွေက အစပေါ့၊ နောက်တော့ ထူးထူးဆန်းဆန်း ကျနော့်ကို တခုမှာရှာတယ် သူသေရင် သူ့ရဲ့ အခေါင်းထဲကို အတူထည့်ပေးဖို့ အဝတ်စလေးနဲ့ထုပ်ထားတဲ့ အထုပ်ကလေးတခုပြတယ် ကျနော်ဖြေကြည့်လိုက်တော့ လူလက်ညှိုးနဲ့တူတဲ့ အရိုးတခု နောက် ဆံပင်ချည် အထုံးသေးသေးလေးရယ်ပေါ့ ၊ သေချာတာပေါ့ မေးကြည့်တော့ အဖွားလေးရဲ့ လက်ညှိုးအရိုးနဲ့ ဆံပင်ချည်ပါပဲ အဖိုးလေးက အဲ့သည်လောက်အောင် သူ့ဇနီး အဖွားလေးကို ချစ်ခင်စွဲလန်းတာ ၊ ဒါပေမယ့် ကျနော်တာဝန်မကျေခဲ့ဘူး အဖိုးလေးဆုံးတော့ ကျနော်နိုင်ငံခြားရောက်နေပြီ၊ အဖိုးလေးဆုံးခါနည်း ဆေးရုံမှာ ကျနော်ဘယ်တော့ ပြန်လာမှာလည်းလို့ အဖေဆေးရုံသွားကြည့်တိုင်း ခဏခဏ မေးရှာတယ်လို့ပြေပြတယ်။ အဖိုးလေးကို မြေချ သင်းဂြိုလ်ခဲ့တုန်းက အဖွားလေးရဲ့ လက်ညှိုးအရိုးလေးနဲ့ ဆံချည်လေးရော ပါသွားရဲ့လားလို့ ကျနော်စဉ်းစား စိုးရိမ်မိခဲ့တယ်၊ အဖိုးလေး ကောင်းရာ သုကတိ ဘုံဌာနမှာ ငြိမ်းချမ်းပါစေ အဖွားလေးနဲ့ ဘဝဆက်တိုင်းမှာပြန်လည်ဆုံစည်း ပေါင်းသင်းနိုင်ပါစေလို့ ဆုတောင်းလိုက်ပါတယ် အဖိုးလေးရေ…။

ဒီစာလေးကိုရေးပြီးနောက် ခေါင်းစဉ်ပေးဖို့ စဉ်းစားရာက ကျနော်ရေးခဲ့ဘူးသော “ဝေးလွင့်လိပ်ပြာ” ဆိုတဲ့ ကဗျာ ခေါင်းစဉ်လေးကို သတိရမိပြီး ပေးမိပါတယ်။ တိုက်ဆိုင်မှု နည်းနည်းလေးတော့ ရှိမယ်ထင်လို့ပါ။ ဖတ်ရှုခံစားပေးတဲ့အတွက်ကျေးဇူးအထူးတင်ပါတယ်ချင်ဗျာ။

ကျော်စွာလင်း (ရိုးမ)
၂၄.၁၁.၂ဝ၁ဝ

ချစ်လဝန်း(၂)

ချစ်လဝန်း

ချစ်လဝန်း

ကျောခိုင်းပုန်းတော့မယ်ဆိုရင်လည်း
အပြုံးလေးတချက်နဲ့
နှုတ်ဆက်အနမ်းကလေးပေးခဲ့ပါ
အသဲထက် အက္ခရာလေး တင်ထားပါရစေ ။

အကြည့်ကလေးတချက်နဲ့
နှုတ်ဆက်လို့ထွက်ခွာ
ဝိုးတဝါးနဲ့ ရှောင်ခွာသွားသူရယ်
အမုန်းတွေနဲ့တော့ မထားခဲ့ပါနဲ့ ။

အသဲခိုက်အောင် ကြင်နာရသူမို့
နာကျင်တာတွေ လက်ဆောင်မပေးလိုက်ပါနဲ့
ငိုရှိုက်သူသဲခြေပျက်ရင်း
လွမ်းရက်ရှည်ညတွေနဲ့ ဝေးပါရစေကွယ် ။

မျှော်လင့်တောင်းတရင်း
အထီးကျန်ခြင်း ညနက်တွေရဲ့
အမှောင်ကမ္ဘာ အိမ်မက်ထဲမှာ
ပြတင်းတံခါးလေး တချက်ကိုဖွင့်ကာဖြင့်
ကောင်းကင်ပြာလေးကိုမော့ကြည့်ရင်း
ညှို့မျက်ဝန်းရှင်
လဝန်းသခင်မလေးကိုမှ
အကျွန် လွမ်းမိရပါသည် ။


ကျော်စွာလင်း ( ရိုးမ )
၁၂.၁ဝ.၂ဝ၁ဝ

အမေ့ကိုပြောပြချင်တယ် (၂)

အမေ့ကိုပြောပြချင်တယ် ( ၂ )

အမေ့ဝမ်းတွင်းမှာ ကိုးလလွယ်ဆယ်လ
ခွေခွေကလေးအနေကျခဲ့ဘူးတဲ့ဘဝ
စိတ်ကူးနဲ့မှန်းဆရင်း ပြန်တမ်းတမိတယ် အမေ …

အမေ့ဝမ်းတွင်းကကျွတ်
အမေ့နို့ချိုလေးစို့ရင်း
အမေ့ရင်ခွင် ချိုမြနွေးထွေး
အပြုံးလေးတွေမွှေးနေတဲ့ အေးမြမေတ္တာ
မကြာမကြာ သတိရနေမိတယ် အမေ …

အမေ့ပေါင်ပေါ်မှာမှေးစက်
အမေ့လက်ကလေးနဲ့ နွှာယှက်
သားခေါင်းထက်က သန်းဥကလေးတွေကောက်ရင်း
တေးချင်းဆို ချော့ကသိပ်တဲ့ အမေ့ရဲ့အသံ
တခါလောက်ဖြစ်ဖြစ် ပြန်ကြားပါရစေ အမေ …

ရိုးမတောစပ်ကျောင်းစုတ်လေးမှာ
နှပ်ချေးတရှုပ်ရှုပ်နဲ့
လွယ်အိပ်အစုပ်ကလေးသိုင်းရင်း
အပေါက်တရာ ထီးတလက်နဲ့
ဖိနပ်မပါ ဗလာလှမ်းခဲ့တဲ့ဘဝ
ပြန်လည်သတိရနေမိတယ် အမေ …

ဘဝဆိုးတွေထဲမှာ
ခြေတဖက်မသန်တဲ့အဖေက
ဒုက္ခတရားတွေနဲ့ ယှဉ်ပြိုင်ရင်း
သားကြီးရင် လူလုံးလှဖို့
မြို့ကျောင်းကိုအရောက်
လျှောက်လှမ်းစေတဲ့အဖေ ကျေးဇူးပါ အမေ …

မပြည့်စုံတဲ့ဘဝတွေထဲမှာ
ကျောင်းတက်ဖို့ အခြေမသာခဲ့တဲ့ ညီမကြီးက
ခြံထွက် အသီးရွက်တွေ ခေါင်းပေါ်တင်ရင်း
ရွာစွန်ရွာဖျား ရောင်းချပေးလို့
သားဝတ်ဖို့ ကျောင်းစိမ်းပုဆိုးတထည်
သူဝယ်ပေးခဲ့တာ ကျေးဇူးပါလို့ပြောပေးပါ အမေ …

ကျောင်းကပြန်သားအတွက်
အပြုံးများနဲ့ စီးကြိုရင်း
အမေမစားရက်တဲ့ ဟင်းတခွက်နဲ့
အမြဲချန်ထားတတ် စမ်းကျရေ
မျက်ရည်တွေနဲ့ ပြန်လည်တမ်းတ
ချိုမြနေမိတယ် အမေ …

သားအရွယ်ရောက်စလေတော့
ယိုင်နဲ့နဲ့မိသားစုဘဝလေးထဲမှာ
မြိုမကျတဲ့ အဖေ့ချွေးစက်တွေနဲ့
မကြားရက်တဲ့ မမေ့ရဲ့ ငြီးတွားသံ
မီးဖိုချောင် နံရံက အကြွေးစာရင်းတွေထဲမှာ
သက်ပြင်းမကြာမကြာချတတ်လေတော့
သားရင်မှာ အခါခါစို့ခဲ့ပေါ့ အမေ …

ရိုးမတောစပ်ရဲ့ လယ်ကွက်တွေထဲမှာ
တံဇဉ်တလက်နဲ့
ကောက်ရိတ်ခဲ့တဲ့ သားရဲ့လက်က
ပုဆိန်တလက်နဲ့လည်း မိတ်ဖွဲ့
တောစင်တောင်အထပ်ထပ်
ချွေးစက်နဲ့ရေချိုးရင်း
အရိုးသားဆုံးခွန်အားကိုဆွဲထုတ်
သစ်ခုတ်ကာလုပ်ကျွေးဘူးပေမယ့်
မထူးနိုင်တဲ့ အခြေရယ်ကြောင့်
အမေ့ရင်ခွင်ရဲ့ တခြားနေရာအရောက်
ဖေါက်ထွက်လို့လှမ်းခဲ့ရတယ် အမေ …

အရွယ်ရောက်လို့ ရင်ခုန်တတ်တာ
လူငယ်တွေရဲ့ ဓလေ့လို့ဆိုမလား
အမေ့မေတ္တာရဲ့ တဖက်ခြမ်းမှာ
၁၅၀၀ သစ္စာအဆိပ်ခွက်ထမ်းရင်း
ယိုဖိတ်ခဲ့တဲ့နှလုံးသား
အသဲကွဲခြင်း အခြေခံတရားတွေကို
မြေလှန်ပြီး အကြောင်းရှာတော့
အဖြေမှန်တဲ့အထောက်ထား သားမှာမရှိခဲ့ဘူး
အဆိပ်လူးခဲ့တဲ့ သူ့အချစ်တွေက
အငွေ့ပျံခဲ့ပေမယ့်
အိမ်မက်ဆိုးတွေလို ခဏခဏ
လာနိုးဆွနေဆဲပါ အမေ …

နှလုံးသားက ဒဏ်ရာတွေနဲ့
အိမ်မက်ဆိုးတွေကြား ရုန်းထွက်နေတုန်း
နောက်ဆုံးဖြစ်အချစ်ဆုံးရယ်လို့
အမြတ်နိုးဆုံး ကြင်နာမိသူတဦးကို
တသက်လုံးစာ အတွက်
နှလုံးသားထဲ နေရာချခဲ့ပါတယ်
ဒါပေမယ့်အမေရယ်
အရုပ်ဆိုးလှပါတယ်ဆိုတဲ့
ရင်ဘတ်ပေါ်က ဒဏ်ရာဟောင်းတွေကို
ဘယ်လိုမှ နားလည်ခွင့်တောင်းလို့မရနိုင်ခဲ့ပါဘူး
သူနဲ့ပတ်သတ်တဲ့အကြောင်းတွေက
ဦးနှောက်နဲ့ရင်ဘတ်ထဲ
နယ်ချဲ့လို့နေဆဲမို့
ရူးသွတ်ခြင်းနေ့ရက်တွေကို
ဘဝနောက်ဆုံးထိ ကျော်ဖြတ်ရအုံးမယ်
မယှဉ်နိုင်သူသားတွက်တော့
ကံတရားရဲ့ ရိုက်ချက်အောက်မှာ
ဒူးထောက်လျက်ပါအမေ …

နေရာသစ် မျက်နှာစိမ်းတွကြားမှာ
မာနနဲ့ခွန်အားကိုရောင်းစားရင်း
အောင်မြင်ခြင်းဘဝသစ်ကိုမျှော်မှန်း
ခရီးကြမ်းတွေဖြတ်သန်း
ကြိုးပမ်းလို့ရုန်းကန်ခဲ့ပေမယ့်
တာဝန်အသစ်တွေက
သမိုင်းခြေလှမ်းအသစ်တွေအတွက်
သားပုခုံးထက်ကိုရောက်လာတယ် အမေ …

အရောင်စုံအုပ်စုတွေထဲမှာ
လူတော်တယောက်မဟုတ်ပေမယ့်
ရိုးသားမှု အရင်းနှီးလေးတခုနဲ့
ကြိုးစားပြီး အပြုံးလှခဲ့ပေမယ့်
ပြန်ရတဲ့ဆုလဒ်တွေက
အစွယ်လှန်ပြီးမာန်ဖီသူတွေ
အတောင်ပေါက်နေတဲ့ကြွက်သူခိုးတွေ
ရွှေရည်စိမ်လောက်ကောင်တွေရဲ့
အရှက်မဲ့ တုန့်ပြန်မှုတွေနဲ့ ရင်ဆိုင်ရတိုင်း
ရိုးမတောရိုင်းထဲက
သားနဲ့အတူဒုန်းဆိုင်းရုန်းခဲ့ဘူးတဲ့
နွားအိုတရှဉ်းရဲ့ သစ္စာအပြုံးတချို့ကို
တခါလောက်တော့ ပြန်လိုချင်တယ် အမေ …

လုပ်ငန်းခွင် စက်ရုံထဲမှာ
အရိုင်းဆန် စကားလုံးတွေနဲ့
အနှိမ်ခံ ဘဝကို မမှုခဲ့ပါဘူး
အခုတော့
အမေ့တွက်သား တာဝန်တွေ မကျေခင်မှာ
ထင်ကျန်သွားတဲ့ ဒဏ်ရာတချို့ကတော့
ပခုံးနဲ့ ရင်ဘတ်ရိုး ကျိုးခဲ့ရတယ် အမေ …

ဒါပေမယ့်
ကျိုးသွားတဲ့ ပခုံးနဲ့ပဲ တာဝန်တွေ ကျေချင်တယ်
ရိုးသားစွာ လှမ်းမိတဲ့ ယုံကြည်မှုတွေအတွက်
ခါးသည်းမှု အတွေ့ကြုံတွေက စီးလို့ကြိုတယ်
နာကျင်မှုအတွက် တောက် ခေါက်သံက
ပခုံးအကျိုးပေါ်ကို လျှံကျ
ဒဏ်ရာတွေ အလန့်တကြားနဲ့နိုးထ
တစ္ဆေ တကောင်ခုန်ကနေသလို
နှလုံးသားကို လက်နဲ့ပွတ်သတ်မိတော့
ရင်ဘတ်အရိုး အက်ကြောင်းတွေက
လေပြင်းခတ် သစ်ကိုင်းတွေလို
တအစ်အစ် တဗျစ်ဗျစ်နဲ့
ဒဏ်ရာ အသစ်ဟောင်းတွေပေါင်းစပ်ရင်း
ရှေးဟောင်းနှောင်းဖြစ်
အတွေးတွေ နွံနစ်နေမိတိုင်း
သစ္စာတရားတွေ အရည်ဖျော်ခြေဆေးခံခဲ့ရသမျှ
ဒေါသတရားတွေ ပျောက်စေဖို့
အမေ့ကိုပဲ ထပ်ခါအောင်းမေ့မိတယ် အမေ …

ခန္တီစလက်ကျန်တရားတွေလည်း
ရင်ဘတ်ထဲက ရုံးထွက်ရှာနေတယ်
ဗြဟ္မစိုရ်တရားလေးပါးနဲ့ ယဉ်ပါးခဲ့ဘူးတယ်
လောကဓံတရားရှစ်ပါးနဲ့ အသားကျခဲ့ဘူးပါတယ်
ဒါပေမယ့်သားဟာ
အရိယာ ပုဂ္ဂိုလ်ထူးမဟုတ်လေတော့
မဂ္ဂင်ဖေါင် မစီးနိုင်သေးပါဘူး
အကြောင်းကြောင့်ဖြစ်တဲ့
အကျိုးတရားတွေလို့ဆိုရင်တော့
ဝဋ်ရှိလည်း ကျေပါစေတော့လို့ဆိုရမလား
အမှန်တရားတွေကို အသပြာနဲ့ရောလိပ်ပြီးမြိုချ
သစ္စာတရားတွေ လေလံတင်တဲ့စင်မြင့်ပေါ်မှာ
ဒဏ်ရာတွေပိုက်ရင်း
ငိုရှိုက်နေတဲ့ ရိုးသားမှု့တွေက
ဒီလောကကြီးကို ဂွတ်ဘိုင်လို့ပြောနေကြပီ အမေ …

မတရားမှု့တွေထွန်းကားတဲ့ ကမ္ဘာမြေမှာ
အကြင်နာတရားတွေခေါင်းပါးနေကြပြီ
ဘယ်သူသေသေ ငတေမာရင်ပြီးရောဆိုပြီး
အခွင့်ကောင်းယူတဲ့ အတ္တနိုင်ငံတွေ
အနိုင်ကျင့်အာဏာရှင်တွေနဲ့ ပခုံးဖက်ပြီး
ကိုယ်ကျိုးရှာသူတွေ
အပြုံးလှ မျက်နှာဖုံးတွေစွပ်ပြီး
ယဉ်ကျေးမှု အတုတွေနဲ့
လူမိုက်အားပေးသူတွေ
တောမီးလောင် တောကြောင်လက်ခမောင်းခတ်
အကွက်ကျကျ အချောင်နှိုက်တတ်တဲ့
အာစီယံနိုင်ငံတွေ
အဆွယ်ကျိုးပြီး အူနေတဲ့
ယူအန်ဆိုတဲ့ကျားအိုကိုမှ
အမိအရ ဆွဲထားချင်သူတွေ
မြေပေါ်မြေအောက်
သယံဇာတအပြည့်မောက်ရှိတဲ့တိုင်ပြည်မှာ
အုပ်ချုပ်သူတွေ အိပ်တွေဖေါင်းရင်း
အခွင့်ထူးခံ လူတန်းစားတွေ
ရမ်းကားနေတဲ့သားတို့ပြည်မှာ
ကုန်းကောက်စရာမရှိတာကတော့ ပြည်သူတွေ
တတိုင်းပြည်လုံးကိုရောင်းစားပြီး
အများပြည်သူကို
လည်မြိုနင်းချစ်ပြတဲ့ အာဏာရှင်တွေ
ပခုံးပေါ်က ရွှေစတားတွေနဲ့
မဲတပြားရဘို့အတွက်
ရှိတာတွေ အကုန်ထုတ်ပေးပြီး
တရုပ်ကြီး အပြုံးပျက်မှာကြောက်နေတဲ့
မျိုးချစ်ဗိုလ်ချုပ်ကြီးတွေ
ကမောက်ကမ အတွေးခေါ်တွေနဲ့
လူပုံအလယ်ဟောက်စားလုပ်ရင်း
အထင်ကြီးခံချင်ကြသူတွေ
အာဏာရှင်အလိုကျ
ဘီလူးအကနဲ့ ရင့်ကျက်နေကြသူတွေ
ဝါရင့်ပညာရှင်တွေနဲ့
တော်လှန်ရေးဝဲဆွဲနေကြသူတွေ
သမိုင်းတာဝန်မကျေခဲ့ကြတာကို
နောင်တ တရားတွေဖွင့်ဟဆိုပြီး
ဝန်မခံလိုကြသူတွေ
ကျည်ဆံမဖေါက်တဲ့
ရဲရဲတောက်တချို့လဲ
ကိုယ့်နေရာနဲ့ကိုယ်
စိစ်ဖားယား အဆိုလေးနဲ့
အနေကျသူတွေ
ရှိသမျှအပြစ်ဗမာဖြစ်၏ဟု
လူမျိုးကြီးစကားလုံးနဲ့
ကော်ဆဲတတ်တဲ့ တော်လှန်ရေးသမားတချို့တွေ
အာဏာရှင်ကို တော်လှန်ရင်း
အာဏာရှင် လက်သစ် ပြန်ဖြစ်သွားကြသူတွေ
အနာဂါတ် ဒီမိုကရေစီမှာ
နေရာသစ်တွက် ခြေရာချဘို့ပြင်နေကြသူတွေ
စင်ပေါ်မှာ ထင်ပေါ်ချင်လှတဲ့
ဒီမိုအရူးပေါတွေ
ဒိုင်ယာလော့ အဆိုစကားကိုလက်ဆွဲပြီး
အကွဲပြဲနဲ့အချင်းများကြသူတွေ
တော်လှန်ရေး ခရီးရှည်မှာ
ရင်ဘတ်တွေ ပျောက်ဆုံးသွားတဲ့ ရဲဘော်တွေ
လူတွင်ကျယ်နဲ့ ပရောဂျက်
ရောယှက်ပြီး ချစ်နေကြသူတွေ
ဒုက္ခသည်အတုတွေက
နိုင်ငံတကာမှာ ဂွင်ဖန်နေရာရှာနေကြတာကတော့
အကြံကုန် ဂဠုန်ဆားချက်
စင်ပေါ်ခုန်တက်ပြီး
မဖြစ်စလောက်အလုပ်ကလေးနဲ့
နိုင်ငံရေးသမားလုပ်နေကြသူတွေ
ငါနဲ့မတူ င့ါရန်သူဟု
အယူတိမ်း၍ နတ်စိမ်းဖြစ်နေကြသူတွေ
ဘေးထိုင်ဘုပြော
ငါတကော ကောနေကြသူတွေ
အဲ့ဒီလူတွေကြားထဲမှာ
လူညံ့သားတယောက်ကတော့
ဘာမှမဟုတ်သေးဘူးအမေ …

တော်လှန်ရေး နယ်မြေထဲမှာ
အပြေးလွှားနဲ့ မွေးဖွား
ဗုံးသေနတ်သံတွေကြားမှာ အဖိုးကိုတွဲခိုရင်း
သူပုန်ဗိုလ်သမီးဖြစ်ခဲ့တဲ့ အမေက
နိုင်ငံရေးဆိုတာ နားမလည်တတ်ပေမယ့်
အမှန်တရားအတွက်တော့ ပြောပြတတ်တဲ့အမေ …

နောင်တနဲ့သင်္ခန်းစာ
ယူမကုန်နိုင်သေးတဲ့ လောကထဲမှာ
စစ်ဖိနပ်အောက်က တရားဥပဒေတွေနဲ့
ယမ်းငွေ့တွေဝေ လူသတ်ပွဲတွေကြား
မူးဝေရှုပ်တွလို့နေရင်း
အပြေးလွားနဲ့ ငြီးတွားခဲ့တာ
ဆယ်စုနှစ်များစွာ ကြာခဲ့ပီ အမေ …

ဓါးသွားထက် ထက်လွန်းလှတဲ့
ရဲရဲတောက်ခွတ်ဒေါင်းတွေနဲ့
အာဇာနည်တွေ နေတဲ့တိုင်းပြည်မှာ
ဝါရင့်တတ်သိ မဟုတ်တဲ့ အမေ့ကိုတော့
သမိုင်းတာဝန် မကျေခဲ့ဘူးလို့တော့ မပြောလိုတော့ပါ
ရင်နာစရာ အကြောင်းတွေနဲ့
ဟန်ဆောင်အပြုံးတွေ သုံးဆွဲနေတဲ့ လောကထဲမှာ
သားလည်း အတော်မုန်းတတ်လာပြီအမေ …

ကျော်စွာလင်း ( ရိုးမ )
ဝ၈.ဝ၈.၂ဝ၁ဝ
ဓါတ်ပုံ သရုပ်ဆောင် ( LA နိုင်ကြီး )